1వ శిలాశాసనం: ఈ శాసనంలో జంతుబలిని, విందులు, వినోదాలను
నిషేధించారు. (ఈ శాసనంలో ప్రియదస్సి అనే పేరు కనిపిస్తుంది. ప్రియదస్సి
అనగా దేవుని ప్రేమకు నోచుకున్న వారు అని అర్థం)
2వ శిలాశాసనం : మనుషులకు, జంతువులకు వైద్య సదుపాయాలు, రోడ్ల
నిర్మాణం, నీటిబావుల తవ్వకం, రోడ్లకిరువైపులా చెట్లను నాటడం ముఖ్యంగా
ఔషధాలకు అవసరమయ్యే మొక్కలు పెంచడం మొదలైన ప్రజాహిత కార్యక్రమాలు
పేర్కొన్నారు. (తమిళ రాజ్యాలైన చోళ, పాండ్యరాజ్యాల గురించి ప్రస్తావించారు)
3వ శిలాశాసనం : అశోకుడు బ్రాహ్మణులకు, శ్రమణులందరికీ సమానమైన గౌరవం ఇచ్చినట్లు తెలుపుతుంది. దీనిద్వారా అశోకుని మత సహన విధానం గురించి తెలుస్తుంది.
4వ శిలాశాసనం : అశోకుని ధర్మవిధానం గురించి ప్రధానంగా వివరించారు. ఈ
ధర్మవిధానం వల్లనే అశోకుడు దేవానాం ప్రియ, ప్రియదర్శి అనే బిరుదులకు
తగినవాడుగా చెప్పారు. ఇందులో అశోకుడు ధర్మభేరిని మోగించినట్లు, ధర్మభేరి,
ధర్మప్రచారాన్ని సూచిస్తుంది. జంతువుల పట్ల ఆదరణ, బంధువుల పట్ల ప్రేమ,
అహింస పాటించాలని పేర్కొన్నారు.
6వ శిలాశాసనం : అశోకుడు బౌద్ధ సంఘంలో చేరినట్లు బౌద్ధ సన్యాసిగా 250 రాత్రులు గడిపినట్లుగా ఉంది. అన్ని సమయాల్లో అనగా అంతఃపురంలో ఉన్నప్పుడు, భుజిస్తున్నప్పుడు, ఉద్యానవనంలో విహరిస్తున్నప్పుడు అధికారులు ప్రజా సమస్యలను తమకు నివేదించవచ్చునని ప్రకటించారు. ఈ శిలాశాసనంలో అశోకుడు ప్రజలందరూ నా బిడ్డలే అని పేర్కొన్నాడు.
7వ శిలాశాసనం : ప్రజలలో ఐకమత్యం సాధించాలని ఆశించారు. తెగలు, వర్గాల మధ్య పరస్పరం సహనం ఉండాలని పేర్కొన్నారు.
8వ శిలాశాసనం : ధర్మయాత్రల ద్వారా గ్రామీణులతో నిత్యసంబంధం కలిగి ఉండాలని తెలిపారు.
9వ శిలాశాసనం : అశోకుడు నిరాడంబరతను ప్రతిపాదించాడు. అర్థం లేని ఖర్చుతో కూడిన క్రతువుల పట్ల వ్యతిరేకత ప్రదర్శించాడు.
10వ శిలాశాసనం : తన ప్రజలందరూ (ధర్మాన్ని) సత్ప్రవర్తనను అలవరుచుకోవాలని కోరాడు.
11వ శిలాశాసనం : అశోకుడు నిరాడంబర జీవనానికి ప్రాధాన్యమిస్తూ తాను ఏర్పరిచిన ధర్మం సర్వామోదమైనదిగా తెలిపాడు. ఈ శాసనంలో కుటుంబ జీవనం, సంఘ జీవనం ఎంతో ప్రశాంతంగా ఉండాలని అశోకుడు భావించాడు. దమ్మను విస్తరించాలని తెలిపాడు.
12వ శిలాశాసనం: మతసహనానికి అధిక ప్రాధాన్యం ఇచ్చాడు.
13వ శిలాశాసనం : కళింగ యుద్ధం గురించి పేర్కొన్నాడు. కళింగ
యుద్ధానంతరం అశోకునిలో వచ్చిన మార్పు భేరీఘోషకు బదులు ధర్మఘోష వినిపించాలని
దండయాత్రలకు బదులు ధర్మయాత్రలు నిర్వహించాలని నిర్ణయించారు.
-ఆంధ్రుల గురించి ఈ శాసనంలో పేర్కొన్నారు.
14వ శిలాశాసనం : ఇందులో రెండు ప్రత్యేక శిలాశాసనాలు ఉన్నాయి.
-న్యాయంగా నిష్పాక్షికంగా వ్యవహరించాలని అధికారులను కోరాడు.
-కొండజాతి ప్రజల సంక్షేమం కోసం తీసుకోవాల్సిన చర్యలపై అధికారులకు, యువరాజులకు సలహాలు ఇచ్చాడు.
ఇతర శాసనాలు
1. కాందహార్ శాసనం: అశోకుని ధర్మవిధానం చేపలు పట్టేవారు,
ఆటవికులను వ్యవసాయం చేసేటట్లు చేసిందని తెలియజేస్తుంది. ఇది రెండు భాషల్లో
(గ్రీకు, అరామిక్) చెక్కారు.
2.రుమ్మిందై స్తంభశాసనం : సింహాసనం అధిష్టించిన 20 ఏండ్లకు లుంబిని
ప్రాంతాన్ని అశోకుడు సందర్శించినట్లు ఉంది. లుంబిని ప్రాంతం నుంచి 1/8వ
వంతు శిస్తు మాత్రమే వసూలు చేసినట్లు పేర్కొన్నారు.
3.సాగర్‌స్తంభ శాసనం: కొనకమన బుద్ధ స్తూపాన్ని అశోకుడు రెట్టింపు చేసిన విషయం తెలియజేస్తుంది.
4. బబ్రూ శాసనం : బౌద్ధం పట్ల విశ్వాసాన్ని తెలియజేస్తుంది.
5. దౌళి, జౌగడ శాసనాలు : హింసా వ్యతిరేకత, యుద్ధం పట్ల విముఖత.
-అశోకుడు అందరూ నా బిడ్డలే అని పేర్కొన్నాడు.
6. ఎర్రగుడి శాసనం: విద్యార్థుల్లో కూడా ధర్మాసక్తి కలిగించాలని అశోకుడు ఉపాధ్యాయులకు సూచించారు.
7. అలహాబాద్/ రాణిశాసనం: కారువాకి, తివరల గురించి పేర్కొన్నారు.
8.మహాస్థానా: కరువు సమయంలో తీసుకొనే చర్యలను ప్రస్తావించారు.
9. సోపారా : అశోకుడి లౌకిక విధానాన్ని తెలియజేస్తుంది.