పెట్రోలు, డీజిల్‌ వాహనాల తాకిడితో నానాటికీ పెరిగిపోతున్న హానికారక కర్బన ఉద్గారాలకు కళ్లెం వేయడానికి విద్యుత్‌
కార్లు, ద్విచక్ర వాహనాలు వచ్చేశాయి. ఆకాశంలో ఎగిరే విమానాల విషయంలో మాత్రం ఇంకా ఈ మార్పు రాలేదు.
పూర్తిస్థాయి విద్యుత్‌ విమానం రూపకల్పన దిశగా ఎదురవుతున్న అవరోధాలను అధిగమిస్తున్నారు.
తాజాగా
బ్రిటన్‌ కంపెనీ రోల్స్‌ రాయిస్‌ కీలక ముందడుగు వేసింది. ఈ సంస్థ రూపొందించిన ‘స్పిరిట్‌ ఆఫ్‌
ఇన్నోవేషన్‌’ అనే పూర్తిస్థాయి విద్యుత్‌ విమానం ఇటీవల గగన విహారం చేసి పలు ఘనతలు సాధించింది.
స్పిరిట్‌ ఆఫ్‌ ఇన్నోవేషన్‌ ప్రపంచ రికార్డులు
వేగం ప్రయాణించిన దూరం
గంటకు 555.9 కిలోమీటర్లు: 3 కిలోమీటర్లు
గంటకు 532.1 కిలోమీటర్లు: 15 కిలోమీటర్లు
విద్యుత్‌ విమానాలను సాకారం చేసేందుకు 1970ల నుంచి ప్రయత్నాలు జరుగుతున్నాయి. ప్రయోగాత్మకంగా
చిన్న విమానాలు సిద్ధమయ్యాయి. చాలావరకూ ఒక్క పైలట్‌తో కొన్ని నిమిషాలపాటు మాత్రమే అవి గగనవిహారం చేశాయి.
ఇటీవల విద్యుత్‌ విమాన ప్రాజెక్టులు పెరుగుతున్నాయి.